Karen Russo

b. 1974, Tel-Aviv
Byw a gweithio London

Artist a gwneuthurwraig ffilmiau wedi’i lleoli yn Llundain yw Karen Russo. Mae ei gwaith yn ymddiddori yn y ffin rhwng yr hyn a dderbynnir fel mynegiant cyfreithlon o ddiwylliant a bodolaeth wâr, a’r hyn sydd y tu allan i hynny. Trwy olrhain arferion ymylol, ffenomenau aneglur, a ffurfiau esoterig o wybodaeth trwy osodiadau ffilm, lluniadau, gwaith ysgrifenedig a ffotograffau, mae’n mynd i’r afael â sut yr ydym yn ceisio deall yr anweledig a’r anhysbys. Mae ei hymarfer gwneud ffilmiau yn cymylu elfennau ffilmiau dogfen a ffuglen i archwilio sut mae’r rhesymegol a’r aneglur yn cydblethu mewn gwybodaeth, canfyddiad a diwylliant.

Mae ei gwaith wedi cael ei arddangos yn eang gan gynnwys yng Nghanolfan Barbican; Gofod Prosiect Oriel Hayward; Tate Modern; Delfina; Towner, Eastbourne; Gŵyl Eilflwydd Athen; Amgueddfa Israel, Jerwsalem a Chanolfan Celfyddydau Cyfoes (CCA) Tel Aviv. Mae ei ffilmiau wedi cael eu dangos mewn gwyliau ffilm rhyngwladol fel Oberhausen, EMAF, Kasseler Dokfest a Gŵyl Ffilmiau Alchemy, ac mae ei gwaith wedi’i gynnwys mewn casgliadau gan sefydliadau fel Cyngor y Celfyddydau ac Amgueddfa Tel Aviv. Mae ei gwobrau diweddaraf yn cynnwys gwobr Gŵyl Swedenborg (2021) a Gwobr Canmoliaeth Arbennig Gŵyl Ffilm Oberhausen (2020).

Bu’r artist hwn yn rhan o arddangosfa:
Cinema // Sinema: Jarman Film London 2023 screening

Dolenni :
https://www.karenrusso.co.uk/en/home