Cecile Johnson Soliz
b. 1957, Landstuhl, Germany
Byw a gweithio Cardiff
Cecile Johnson Soliz Drawing (stuffed) and Drawing (sewn)2016
Cerflunydd yw Cecile Johnson Soliz. Mae'n cynnwys amrywiaeth o bobl fedrus yn rheolaidd wrth ddatblygu a chynhyrchu ei gwaith ei hun, ac yn aml bydd y rhain yn dod o amgylcheddau gweithgynhyrchu. Mae hyn yn ei galluogi i greu mathau gwahanol o wrthrychau sy'n gallu trosgynnu categorïau celf, dylunio neu grefft.
'Mae gweithio gyda mathau gwahanol o bobl sydd wedi datblygu sgiliau meddwl a chreu yn rhoi persbectif i mi y gallaf ei ddefnyddio i feddwl am fy ngwaith stiwdio. Rwyf yn ymddiddori llawer yn yr hyn sy'n digwydd pan fydd swyddogaeth, atgynhyrchu a mannau cyhoeddus yn dod yn rhan o gelf. Rwy'n awyddus i wybod pam fod yna gymaint o wrthrychau sydd eu hangen ond nad ydynt yn bodoli hyd yn hyn. Er fy mod i'n ystyried fy hun yn artist sy'n gweithio mewn stiwdio, mae gan yr holl fathau o wrthrychau eraill a grëwyd gen i berthynas uniongyrchol â'r gwaith yn y stiwdio: dillad i'w gwisgo yn y stiwdio, dodrefn hyblyg i'w defnyddio mewn stiwdio neu amgueddfa i greu ac edrych ar gelf, dysglau i'w defnyddio yn y cyfnodau rhwng bod yn effro a mynd i gysgu (myfyrio, meddwl am amser y dydd, dechrau breuddwydio neu eistedd yn ôl a meddwl am gelf sy’n cael ei chreu), potiau simnai cerfluniol sy'n cysylltu'r man gwaith mewnol â gofod y ddinas y tu allan. Mae'r perthnasau rhwng gwaith stiwdio a phrosiectau yn teimlo'n naturiol imi. Mae'r ffyrdd gwahanol o greu a meddwl am wrthrychau yn ddiddorol iawn, yn dibynnu ar bwy sydd gyda chi, ym mha le, a phwy mae'r gwrthrychau ar eu cyfer.'
Cafodd Cecile Johnson Soliz ei geni yn yr Almaen, a chafodd ei magu ym Merced, yng Ngwm San Joaquin, yng Nghaliffornia, UDA. Bu iddi fyw hefyd ym Mecsico, Bolifia, Brasil, yr Eidal a Ghana cyn symud i Gaerdydd yn 1975 i astudio ar y cwrs sylfaen am flwyddyn yn Ysgol Gelf a Dylunio Caerdydd. Yn hwyrach, bu'n astudio yng Ngholeg Goldsmiths', Llundain, gan ddychwelyd i Gaerdydd fel Cymrawd yng Ngherflun Henry Moore yn Ysgol Gelf a Dylunio Caerdydd (1995–1997). Yn 2017, enillodd y Fedal Aur mewn Celfyddyd Gain yn Eisteddfod Genedlaethol Cymru ac, yn 2018, Gwobr Agored Oriel Davies. Ar hyn o bryd, mae wrthi'n paratoi arddangosfa unigol yn Oriel Davies ar gyfer mis Mehefin 2019.
Bu’r artist hwn yn rhan o arddangosfa:
Everything.
All At Once.
At The Same Time.
